ဒီ ပွဲ ပြီး ရင်

ဒီ ပွဲ ပြီး ရင် 

 တစ်နေ့ ကျရင်ပေါ့....

 ဝင်သက်ကို တမုန်းရှိုက် ပြီး

 မျက်စိ စုံမှိတ် 

 အံမကြိတ်ပဲ အသက်ဆက်အုံးမယ်....

အဲ့ဒီအခါ...

သိပ်လှခဲ့တဲ့ ပန်းကလေး တွေ အကြောင်း....

ကောက်ကွေ့လွန်းတဲ့ မြစ်တွေအကြောင်း....

ရက်စက်လွန်းတဲ့ မြေခွေးအို အကြောင်း....

သိပ်ရဲရင့်တဲ့ အိပ်တန်းပြန် ငှက်ကလေးတို့ အကြောင်း.....

တပွေ့တပိုက် ဖွင့်ဟ ချင်သေးရဲ့.... ။

မွန်းကျပ်ခဲ့သမျှ အတိုးချရင်း....

ဟိုး...တောင်တန်းအရှေ့ က 

စကားမပ​ီကလာ လူရိုးကြီး တွေ ကြား

ဟာသ နှောရင်း....

ထွက်သက် ကို စွန့်မယ်....

ရင်ဘတ်ချင်း ညီခဲ့တဲ့ 

ကြယ်ကလေး တွေနဲ့ အတူပေါ့....။

            Zaby Sandy

            9.1.2022